|
Home
About Us
Creative Indust. & Crafts Develop.
Cultural Heritage
Georgian
Cultural Studies
Exhibitions
ISTORIALI Show Room
GACC Services
Channel ISTORIALI
|
|
|
დაბრუნება
უძველესი ისტორია თანამედროვე დიზაინში - სამკაული და ისტორია"
11.11.2012 – 27.11.2012
გამოფენა განხორციელდა "თბილისობა-2012"-ის ფარგლებში ქალაქ თბილისის მერიის ორგანიზებით ზურაბ წერეთლის თანამედროვე ხელოვნების მუზეუმში.
გამოფენის კონცეფციის ავტორი: ხელოვნების საერთაშორისო ცენტრი"ისტორიალი".
თანაორგანიზატორი: ივ. ჯავახიშვილის სახელობის თბილისის სახელმწიფო უნივერსიტეტის არქეოლოგიის ინსტიტუტი.
ინოვაციური შემოქმედებითი მიდგომა თანამედროვე საგამოფენო სივრცისადმი - ეს არის ხელოვნების საერთაშორისო ცენტრი "ისტორიალი"-ს საგამოფენო კონცეფციის თავისებურება, რასაც ხშირად მნახველი "არაჩვეულებრივ" საგამოფენო სანახაობად მოიხსენიებს. ჩვენი საგამოფენო კონცეფციის თავისებურებაა - ქართული კულტურის სხვადასხვა სფეროების და თემების შემოქმედებითი გარდასახვა, ხელოვნების სხვადასხვა დარგების სინთეზით და საექსპოზიციო სამეტყველო საშუალებებით საგამოფენო სივრცეში მათი მაყურებლამდე მიწოდება. სწორედ, ამ კონცეფციის ნათელ შემოქმედებით განსახიერებას წარმოადგენს გამოფენა - "სამკაული და ისტორია", რომელიც უახლესი ტექნოლოგიების გამოყენებით ხელოვნების სხვადასხვა დარგების - ვიდეო-ხელოვნების, მუსიკის, მხატვრული და ისტორიული ფოტოგრაფიის, ქანდაკების, დიზაინის სინთეზში აცოცხლებს უძველეს საქართველოს. თემა - საქართველოს უძველესი და მდიდარი წარსულის ტრანსფორმირება თანამედროვეობაში, ცენტრის ერთ-ერთი ძირითადი მიმართულებაა, რომელიც ლეიტმოტივად გასდევს არა მხოლოდ " ისტორიალი"-ს საგამოფენო შემოქმედებას, არამედ აქ შექმნილ კოლექციებსაც. სამშევენისები, რომლებიც განუყოფელი ნაწილია "ისტორიალი"-ს შემოქმედების ერთ-ერთი თვალსაჩინოებაა.
ექსპოზიციაში წარმოდგენილიიყო: საქართველოს ტერიტორიაზე - აწყური, იგოეთი, გრაკლიანი გორა, ყულანურხვა, მელაანი, (III ათასწ. - ძვ.წ. I ს) გათხრებში აღმოჩენილი არქეოლოგიური მასალები ივანე ჯავახიშვილის სახელობის თბილისის სახელმწიფო უნივერსიტეტის არქეოლოგიის ინსტიტუტის კოლექციიდან.
საქართველოს ეროვნული საგანძურის სამგანზომილებიანი ფოტო-პლაკატები, ავტორი – თამარ ასლანაძე; სამშვენისები “ისტორიალის" კოლექციიდან; ნინო ყურაშვილის კოსტუმები; ოთარ ვეფხვაძის ქანდაკება;
დოკუმენტური ფილმები სერიიდან “დაკარგული ქალაქები”, ავტორი - თომა ჩაგელიშვილი; დოკუმენტური ფილმი “მცხეთის სიძველენი” (1946); ისტორიული ფოტოგრაფია; ექსპოზიციაში გამოყენებულია ნიკოლოზ რაჭველის მუსიკა “პანკისის ჩვენებიდან`.
საგამოფენო პროექტის ავტორი და დირექტორი - მაკა დვალიშვილი, ხელოვნების საერთაშორისო ცენტრის პრეზიდენტი; გამოფენის კურატორები - თეა გოცირიძე, ეკა დვალიშვილი; კონსულტანტი - ვახტანგ ლიჩელი, პროფესორი, არქეოლოგი ივანე ჯავახიშვილის სახელობის თბილისის სახელმწიფო უნივერსიტეტის არქეოლოგიის ინსტიტუტის დირექტორი; ვიდეო ინსტალაცია-მონტაჟი/კომპიუტერული გრაფიკა - პაატა ედილაშვილი, დავით გაბადაძე.
დაბრუნება
|
|